دنیا کی مہنگی ترین مسلح افواج

فوج چاہے کسی بھی ملک کی ہو اس کی اولین ذمہ داری اپنے ملک کی سرحدوں کی حفاظت کرنا اور اپنے شہریوں کا تحفظ یقینی بنانا ہوتی ہے- اسی اعتبار سے دنیا کے تقریباً تمام ممالک نے اپنی افواج قائم کر رکھی ہیں جو کہ کئی منفرد صلاحیتوں کی مالک ہونے کے علاوہ جدید جنگی ہتھیاروں سے بھی لیس ہیں-تاہم ان خصوصیات کے حصول کے لیے ہر ملک ایک بھاری دفاعی بجٹ مختص کرتا ہے جو کہ مکمل طور پر افواج اور اس سے متعلقہ امور پر خرج کیا جاتا ہے- ہم یہاں دنیا کے  ایسے 10 سرفہرست ممالک کا ذکر

کرنے جارہے ہیں جنہوں نے اپنے ملک کی سلامتی کو مضبوط بنانے کے لیے سب سے زیادہ دفاعی بجٹ مقرر کر رکھا ہے- اس اعتبار سے ہم انہیں دنیا کی سب سے مہنگی ترین افواج بھی قرار دے سکتے ہیں-جنوبی کوریا جنوبی کوریا کا سالانہ دفاعی بجٹ

33.4 بلین ڈالر ہے- گزشتہ چند سالوں سے جنوبی کوریا کو شمالی کوریا کی جانب سے خطرات کا سامنا ہے- یہی وجہ ہے کہ جنوبی کوریا نے دفاعی بجٹ کی مد میں سال 2016 سے 2020 تک کے لیے 214.7 بلین ڈالر کی بھاری رقم مختص کر رکھی ہے- سالانہ دفاعی بجٹ کے علاوہ اضافی دفاعی بجٹ کو ملک کے میزائل ڈیفنس سسٹم کی مضبوطی اور بہتری کے لیے استعمال کیا جائے گا-جرمنی حال ہی میں جرمنی کی حکومت نے ملکی معیشت میں استحکام کے اپنے سالانہ دفاعی بجٹ میں اضافے کا اعلان کیا ہے- اس وقت جرمنی کا سالانہ دفاعی بجٹ 35.7 بلین ڈالر ہے- جرمنی کی چانسلر انجیلا مرکل نے بڑھتے ہوئے بیرونی خطرات کے حوالے سے جرمن فوج کی ضروریات پر روشنی ڈالی ہے- اس کے علاوہ جرمن فوج میں توسیع کا بھی منصوبہ بنایا گیا ہے جس کے تحت 14, 300 افراد کو فوج میں بھرتی کیا جائے گا-جاپان چین کے ساتھ بڑھتے ہوئے سمندری تنازعات اور شمالی کوریا کی جانب سے بڑھتے ہوئے خطرات کے بعد جاپانی حکومت نے رواں سال کے آغاز میں ہی اپنے دفاعی بجٹ میں اضافہ کردیا- اس وقت جاپان کا سالانہ دفاعی بجٹ 41.6 بلین ڈالر ہے- جاپانی فوج اینٹی میزائل ڈیفنس سسٹم کی مضبوطی اور جنوبی جزائر پر فوج کی موجودگی کو یقینی بنانے کا منصوبہ بنا رہی ہے-فرانس فرانسیسی حکومت نے حال ہی میں اپنے سال 2017 کے دفاعی بجٹ میں اضافے کا اعلان کیا ہے- اس وقت فرانس کا دفاعی بجٹ 44.3 بلین ڈالر ہے- یہ اضافہ ریاست میں پیدا ہونے والی کسی ہنگامی صورتحال اور دہشت گردی کے واقعات سے نمٹنے کے لیے کیا گیا ہے- اس بجٹ سے ملٹری ہارڈوئیر جن میں میزائل اور آبدوزیں بھی شامل ہیں خریدی جائیں گے-روس 1998 سے لے کر 2015 تک روس کے دفاعی بجٹ میں مسلسل اضافہ دیکھا گیا ہے جس کی وجہ اس ملک کے دیگر ممالک سے چلنے والے تنازعات ہیں- ان ممالک میں چیچنیا٬ جنوبی اوسیتیا اور حالیہ یوکرائن شامل ہے- اس وقت روس کا سالانہ دفاعی بجٹ 48.4 بلین ڈالر ہے-سعودی عرب سعودی عرب اپنی جی ڈی پی کے اعتبار سے اپنی فوج کے لیے دنیا میں سب سے زیادہ دفاعی بجٹ مختص کرنے والا ملک ہے- سعودی عرب کا اس وقت سالانہ دفاعی بجٹ 48.6 بلین ڈالر ہے- سعودی عرب دنیا کا دوسرا سب سے بڑا ہتھیار درآمد کرنے والا ملک بھی ہے-سعودی عرب زیادہ تر ہتھیار امریکہ٬ فرانس اور برطانیہ سے خریدتا ہے-بھارت بھارت پہلی بار دنیا کے سب سے زیادہ دفاعی بجٹ رکھنے والے 5 سرفہرست ممالک میں شامل ہوا ہے- یہ دنیا کا سب سے بڑا ہتھیار درآمد کرنے والا ملک بھی ہے- اس وقت بھارت کا سالانہ دفاعی بجٹ 50.6 بلین ڈالر ہے- بھارت اپنی فوج پر ایک بھاری رقم خرچ کر رہا ہے- اس بجٹ کا ایک بڑا حصہ فوج کو جدید بنانے پر خرچ کیا جائے گا-برطانیہبرطانیہ نیٹو کے ممبران میں دوسرا بڑا دفاعی بجٹ رکھنے والا ملک ہے- برطانیہ کا سالانہ دفاعی بجٹ 53.8 بلین ڈالر ہے- برطانوی حکومت اپنے بحری فوج میں مزید 700 فوجیوں کی بھرتی کا منصوبہ بھی بنا رہی ہے- یہ بجٹ جنگی بحری جہازوں اور آبدوزوں پر بھی خرچ کیا جائے گا-چین چین نے گزشتہ 5 سالوں کے دوران اپنی فوج پر بھاری رقم خرچ کی ہے- اس وقت بھی چین کا سالانہ دفاعی بجٹ 191.7 بلین ڈالر ہے- جنوبی بحرِ چین میں چین کے چند جزائر پر حاکیمت کے دعوے نے ایشیا پیسیفک کے علاقے میں کشیدگی قائم کر رکھی ہے اور چین نے اسی وجہ سے ہی اپنے دفاعی بجٹ میں اضافہ بھی کر رکھا ہے-امریکہ امریکہ دنیا کا ایسا ملک ہے جو سب سے زیادہ دفاعی بجٹ مختص کرتا ہے اور یہ اس دفاعی بجٹ کا دور دور تک کوئی مقابلہ نہیں- اس وقت بھی امریکہ کا سالانہ دفاعی بجٹ 622 بلین ڈالر ہے- امریکہ اپنی جی ڈی پی کا 3 فیصد سے زائد حصہ دفاعی بجٹ کی مد میں خرچ کر رہا ہے- تقریباً 60 فیصد دفاعی بجٹ جنگی طیاروں٬ مشن سپورٹ٬ جاسوسی کے پروگراموں اور نیشنل سیکورٹی کی بہتری کے حوالے سے خرچ کیا جاتا ہے-